Lutkarska predstava Maca papučarica (3+) po motivima priče Ele Peroci, u dramatizaciji i režiji Davora Dragojevića, biće izvedena u subotu, 29. aprila sa početkom u 12 sati u Sali Dodest KIC-a ,,Budo Tomović’’. Dan kasnije na repertoaru je još jedna lutkarska predstava Gradskog pozorišta – Ružno pače.

U predstavi igraju: Tihana Ćulafić, Sejfo Seferović, Dijana Dragojević, Marija Đurić i Pavle Popović.

Maca Papučarica stalno odnosi dječije papučice i negdje ih skriva. Mame kažu da se papuče moraju nositi, ali kako kad ih nema? Naši junaci idu u šumu u potragu za kućom Mace Papučarice i otkrivaju njenu tajnu.

Predstava Ružno pače (6+), koju je po tekstu Igora Bojovića, režirao Jaroslaw Antoniuk, biće izvedena u endjelju, 30. aprila  u Sali Dodest KIC-a ,,Budo Tomović’’ sa početkom u 12 sati.

U predstavi igraju: Branko Ilić, Katarina Krek/Jelena Simić, Dijana Dragojević, Pavle Ilić i Dejan Đonović

Milovan, junak iz adaptirane Andersenove bajke, klovn, glumac – iznosi, vrlo intimno, svoju priču iz djetinjstva – to je priča o djetetu koje nije prihvaćeno od strane okoline i vršnjaka zbog prilično brzog sazrijevanja. Ko od nas nije doživio sličnu situaciju, koja je postala drama?

Karte su dostupne na biletarnici KIC-a “Budo Tomović”.  Radno vrijeme biletarnice: radnim danima od 9 do 20 časova i vikendom dva sata prije početka predstave. Kontakt telefon: 020 664 237.