Volimo li svoju djecu podjednako?

djecaljuavPIŠE: Mama iz magareće klupe

Jeste li se zapitali da li roditelji vole svu svoju djecu podjednako?

Ako ste odrastali sa bratom ili sestrom, vjerovatno je većina vas bar nekad pomislila da mama i tata nekog vole više. Djeca to često i pitaju roditelje, da li više vole njih ili brata, sestru. Nekad je pokretač tipična dječja ljubomora i ona posesivnost da je to samo vaša mama ili samo vaš tata.

A nekad kao da ima i osnove u tome. Jedno dijete se favorizuje, on(a) je ono bolje, pametnije, urednije, strpljivije, jednostavno više po njihovoj volji. I djeca to osjete. I pamte.

I vremenom odrastu. I zaborave. A onda im se vrati u novim ulogama. Pri tome ne mislim da li ste kao snaha dorasli njihovoj ćerki ili da li kao zet možete da se poredite sa njihovim sinom (naravno da ne).

Ali primijetite da, sada babe i dede, više vrjednuju onu drugu unučad, a ne vašu djecu. Iako nema možda posebnih drugih razloga sem ko ih je rodio.

Ja sam majka tri djeteta. I moram da priznam da je ovo pitanje jedno od najtežih sa kojim sam se suočila.

Kad sam bila trudna sa drugim djetetom, pa čak i prije same trudnoće, pomisao na drugo dijete mi se stvarala veliku brigu – da li je moguće da još nekoga volim koliko volim ovo prvo. I samo o tome sam brinula. Imala sam i sve moguće scenarije, od: “Šta ako zanemarim ovo prvo jer bebi moram da se posvetim više u početku?”, do: “Da li ću uopšte voljeti drugo dijete ako ovako sada razmišljam?”.

I onda se rodilo to drugo. I bez obzira na sve ljude koji su me uvjeravali da se sva djeca isto vole, ne, to nije bilo tako. Ne voli se isto. I to sasvim u redu! Jer to su dvije (tri, četiri…) osobe, ličnosti svaka za sebe i, naravno, da ih nećemo voljeti isto.

Voljećete ih. Različito. Ali različitim vrstama ljubavi, a ne različitim intenzitetom. Potreba da brinete o jednom je ista potrebi da brinete o drugom.

I da, poredićete ih. Stalno. Jer koliko god da je možda ovo drugo više “po vašoj volji”, ono prvo je sve to nešto odradilo/naučilo/usvojilo prvo. Jer je prvo. Drugo će morati da bori za svoje mjesto pod suncem (al pustite ga i da se izbori!).

Izvr: Blog Mama iz magareće klupe

HiPP

Procedure i Izazovi Samohranog…

Comments

Leave a Reply