Četvorogodišnjoj Sari Vlahovljak, koja boluje od cerebralne paralize, potrebna je pomoć svih nas u borbi za srećnije i bezbrižnije djetinjstvo. Ova djevojčica je nova korisnica Fondacije Budi human, a svi koji žele da pomognu u njenom liječenju mogu to učiniti slanjem poruke 41 na broj 14543.

“Sara je mila i draga curica koja boluje od cerebralne paralize. Ona, nažalost, ne može da hoda, a kako bi postala samostalnija, potrebni su joj tretmani na Poliklinici Glavić u Dubrovniku. Kako bi otpočela liječenje, za Saru je potrebno prikupiti novčana sredstva u iznosu od 20.564 eura”, naveli su iz Fondacije.

Pored svih problema sa kojima se suočava, Sara je jedna hrabra, nasmijana i vesela djevojčica.

„Sarin put ka bezbižnijem i srećnijem djetinjstvu je trnovit, ali, uz pomoć svih nas – ne i uzaludan. Djeca jesu naša budućnost, a naša dužnost je da za njih gradimo bolji svijet. Zato, budimo Sarina podrška“, uputili su apel iz Fondacije Budi human.

Za Sarinu ljepšu budućnost, budimo humani, upišimo 41 i pošaljimo na 14543! Sari možemo pomoći i uplatom na žiro račun 520-41969-74 ili devizni 520042000001525822. IBAN: ME25520042000001525822 SWIFT: HBBAMEPGXXX.