Rad od kuće s djecom: Uskladite raspored djeteta i svoje radne zadatke

PIŠE: Ella Selak Bagarić, psihološkinja, Poliklinika za zaštitu djece i mladih Grada Zagreba

Iako je balansiranje djece i punog radnog vremena od kuće i inače izazovan zadatak koji zahtijeva malo vremena za prilagođavanje, važno je znati da je izvodljivo, pa čak i u ovim novonastalim uslovima koje nam je donio koronavirus. Sjetite se kako je to bilo imati bebu – kada su se dan i obaveze planirali po tome kada dijete spava. Sada je slična situacija – prilagodite i uskladite raspored svog djeteta i svoje radne zadatke koliko god je moguće.

Ako i partner ostaje kod kuće, prvo zajedno sjedite i napravite raspored tako da “pokrivate“ jedno drugo u obavezama. Ako imate tu mogućnost – probajte da radite rano ujutro ili kada dijete ode da spava. Sami sebi zadajte rokove ako ih nemate kako biste mogli pratiti produktivnost i prilagođavati raspored prema tome što za vašu porodici bolje funkcioniše.

Isplanirate unaprijed djetetove aktivnosti

Plan i rutina su važni – kako za roditelje koji rade od kuće, tako i za djecu. Isplanirajte nekoliko dana unaprijed djetetove aktivnosti u izolaciji, obuhvatajući i vrijeme za igru, maženje i razgovor s vama, učenje, istraživanje i socijalizovanje s drugom djecom i važnim osobama– u ovom slučaju, telefonski i putem društvenih medija. Ovo radite na način da je i dijete uključeno i da samo bira aktivnosti koje želi da uključi u raspored.

Svakako preporučujemo da radna jedinica bude na mjestu odvojenom mjesta gdje dijete provodi većinu vremena, tako da i ono shvati da mama ili tata ne gledaju TV u dnevnom boravku, već rade. Vi ćete imati (barem donekle) mir, a dijete može doći do vas kada vas treba, kao što i vi imate priliku provjeriti kako je ono, a bez stalne interakcije ili prekidanja (ako je dovoljno samostalno da ne zahtijeva nadzor svaki trenutak). Uz pretpostavku da je riječ o djetetu koje je dovoljno staro da se samo zaigra, roditelji treba da objasni situaciju koja ih sigurno zbunjuje – da su tu, ali da nisu tu za njega.

U redu je reći djeci da nam sada treba malo vremena da napravimo sve za što smo odgovorni, bez ometanja, a da će biti i vrijeme kada ima našu punu pažnju. Tako da kada nam sin ili kćerka uđu u kućnu kancelariju i traže da se u 11 sati igramo s njima, možemo reći “voljela bih to i hoćemo sigurno, u 13 kada mama završi posao. Sada te molim da dovršiš crtež koji si započeo/la, doći ću da vidim kako ti ide za pola sata“.

Zaposleni i poslodavci moraju da imaju realistična očekivanja: rasporedite zadatke drugačije

S druge strane, cijeli svijet se nalazi u situaciji u kojoj se održavaju e-sastanci, i šansa da vaše dijete “uleti“ u kancelariju za vrijeme sastanka i traži da mu otvorite keks se može dogoditi svakome. Svakako je poželjno i prije nego se dogodi da prođe sve scenarije na konkretan način, tako da djecu pitate “što ako?“ i onda kada odgovore prihvatite odgovor, ili usmjerite što da drugačije čine.

Na primjer, “Ako vidiš da je mama na telefonu, a ti želiš da ti pronađem drugi crtani, što ćeš uraditi? Ako trebaš odmah da me prekineš ili čekaš da završim?” Takođe, bitno je da roditelji odnosno zaposleni i poslodavci imaju realistična očekivanja, na primjer, da će vam za neke zadatke trebati više vremena ili drugi raspored u danu. Možda će vam odgovarati da radite dvokratno, ili da zadatke rasporedite nekako drugačije. Probajte o tome otvoreno da komunicirate s poslodavcem ali i predvidite očekivane i neočekivane prekide dok radite od kuće.

Dajte djeci podsticaj u aktivnostima koje zahtijevaju samostalnost primjerenu djetetovom urastom. Pohvalite kada sami završe slikovnicu, vježbaju pisanje, čitanje, nagradite kada se drže pravila nekom unaprijed dogovorenom privilegijom (“bravo, večeras ćeš uživati u jednom dodatnom crtanom”).

Posvetite se djetetu: Ako ste mu obećali pažnju u određeno doba dana, neka to zaista ima i ne zaboravite da, ako ste djetetu obećali da ima vašu punu pažnju u određeno doba dana, to zaista i ima. Napravite pauzu za ručak i zajedno s djetetom pripremite namirnice. Nekada nas sama činjenica da smo doma zavara da to znači da se djetetom i kvalitetno bavimo

Pripremite filmove koje već dugo želite da pogledate, porodične albume fotografija, društvene igre… ili tražite dijete da vas ono nauči nešto što njega zabavlja, poput video igrice, pjesme koju voli. Ako ste u zaostatku s poslom, nemojte dopustiti da nadoknada radnih zadataka bude na uštrb vremena s djetetom, radije se vratite poslu kada dijete ode da spava, ili ustanite prije njega.

Ako postoji ovakva struktura i predvidivost u kojoj zna da računa na vas kada završite posao, dijete će se bolje adaptirati. Takođe, i nama odraslima struktura pomaže da se bolje nosimo u novim i nepoznatim situacijama.

Najvažnije od svega, ako je dijete iskreno uznemireno, tužno ili ustrašeno – ostavite posao i posvetite mu se.

Ovo je zahtjevna situacija i ako vas dijete treba, treba vas u tom trenu. Posljednje nije isto što i konstantno dječje traženje pažnje iz puke dosade. Iako je teško, roditelji zaista ne bi trebalo da imaju osjećaj krivice jer ne mogu biti na dvije strane odjednom, i sasvim je izvjesno da će osjetiti i frustraciju kod djece. I to je ok.

Naravno, upravo je ovo sjajna prilika da kod djece podstičemo samostalnost, osnažujemo toleranciji na frustraciju, podstičemo kreativnost – što je sve u interesu zdravog dječjeg razvoja. Budite nježni prema sebi i vodite računa i o svojim potrebama.

Pronađite barem 20-ak minuta za razgovor s vama bliskom odraslom osobom koja će vas razumjeti, podržati i ako treba i utješiti. Nije jednostavno, ali svi smo zajedno u ovome. Pokažimo razumijevanje i jedni za druge.

Izvoz: MISS7Mama

 

SOS linija baner

Procedure i Izazovi Samohranog…

Leave a Reply