Kako da probudite istraživača u djetetu

istrazivac

Tek je 9 ujutro, a vi ste već otpjevali 10 pjesmica, pročitali pet slikovnica, i pogledali tri crtana pa vam jednostavno ponestaje ideja kako da zabavite svoje dijete? Djeca, kada im je sve servirano, nemaju potrebu da istražuju svijet oko sebe i pronalaze zabavu, uočavaju nešto novo i zanimljivo jer ste vi tu prije svega da im potanko objasnite što je što. Zato donosimo par savjeta kako probuditi istraživača u djetetu i podstaći ga da se samo zaigra na neko vrijeme ili barem da ga zaokupirate istom igrom duže vremena.

1. Taktilna igra

Manju djecu zabavite mnoštvom tkanina i predmeta različitih tekstura, od mekih do grubih i čupavih koje će moći samo da istražuje i ispipava. Za malo veću djecu izvrsna taktilna igra je kutija pijeska u kojoj može da uči prstima da piše slova i brojeve.

2. Špijuniranje

Djeca vole pokazivati ono što su pronašla i uočila, makar to bio kamenčić ili list, njima je otkriće koje žele podijeliti. Zato, bacite se na “špijunažu” zajedno, u šetnji proučavajte i sakupljajte zanimljive predmete, a kod kuće, prilikom čitanja slikovnica podstaknite dijete da pronađe skrivene detalje, postavljajući mu konkretna pitanja. Na primjer: “Gdje je ptica na ovoj slici?” “Gdje je oblak?” Tako ćete jednu slikovnicu ipak čitati duže od pet minuta.

3. Igranje hranom

Mala djeca još otkrivaju ukuse i teksturu pojedine hrane. Zanimljivo im je proučavati tačkice na jagodi i što će se dogoditi s bananom ako je zgnječe. Kalupe za muffine možete im napuniti s različitim komadićima hrane i pustiti ih da proučavaju boje, mirise, tvrdoću…

4. Posmatranje

Nabavite dječji dvogled ili napravite sopstveni uz pomoć malo selotejpa i rolni toalet papira. Djeci će biti jednako dobar jer ustvari najveći je gušt posmatrati kroz njega, bez obzira uvećava li stvari. Zauzmite mjesto na prozoru i istražujte okolinu novim dvogledom.

5. Nabavite kreativne slikovnice

Snabdijte se bojankama i slikovnicama s kreativnim zadacima (za veću djecu) i naljepnicama. Bojanje je izvrstan način zabave i relaksacije, jednako kao i ljepljenje naljepnica i savladavanje jednostavnih zadataka. Mozak radi, a vi se možete malo odmoriti. I oduprite se porivu da sve obojite i riješite sami.

Izvor: Dječja posla

HiPP

Procedure i Izazovi Samohranog…

Leave a Reply