Vodimo vas na predstave Dobro drvo i Crvenkapa

dobro drvoU Kulturno-informativnom centru Podgorica za vikend će biti odigrane dvije predstave Gradskog pozorišta – Dobro drvo (8+) i Crvenkapa (5+), na koje vas vodi portal Roditelji.

Dvije ulaznice dobiće registrovani posjetioci/posjetiteljke portala čiji mail sa nazivom predstave koju želi da odgleda bude najbrže stigao na email adresu  [email protected]. Ako nijeste registrovani korisnik/ca portala proceduru za registraciju možete pronaći ovdje. Registrovati se možete jednostavno i klikom na dugme Fbook Log/Reg, ako ste korisnik ove društvene mreže.

U sali Dodes u subotu u 12 sati počeće predstava Dobro drvo koju je režirala Lidija Dedović, a glume Mišo Obradović, Julija Milačić i Vjera Nikolić. Za dramatizaciju je zadužena Jelena Milošević, scenografiju Dijana Vučinić, koreograf i asistent režije je Slavka Nelević, kostimograf  Maša Pejović, kompozitor Vjera Nikolić, songove je uradio Dejan Đonović, a izvršni producent je Ana Medigović.

crvenkapaU isto vrijeme, dan kasnije i u velikoj Sali KIC-a počinje bajkoviti mjuzikl Crvenkapa, predstava puna igre i pjesme, u kojoj se ne dešava ništa loše: niti Vuk pojede Baku i Crvenkapu, niti Lovac Luka ubije Vuka.

U ovu klasičnu bajku umetnuti su i neki novi elementi i likovi, poput Ivanke, Crvenkapine najbolje drugarice, koja »nosi« priču. Ni baka nije bolesna baš toliko kako svi pamtimo baku, a nazire se i jedna ljubav: između Crvenkapine mame i lovca Luke, čija je hrabrost netragom nestala. Vuk je naizgled strašan, ali veoma nesiguran šumski stvor. Tu  su i šnajderske lutke .

U igri sa Crvenkapom one su žive, a u prisustvu njene mame i Ivanke prave razne nestašluke. Crvenkapa je domišljata i pametna djevojčica, njena majka pomalo zbunjena i pažljiva žena, Ivanka »gore dijete iz bolje porodice«, koje, pokušavajući da »loš« svijet prilagodi sebi, uči i da se sama mora prilagođavati. Vuk je  klasični negativac, kome je pisac »prišio« i nekoliko simpatičnih osobina. Baka je vitalna starica, nalik na mnoge današnje bake, kojoj je mnogo važnija pažnja i blizina rođaka, nego sve ponude i kolači. Režirao je Ferid Karajica, a igraju Katarina Krek kao Crvenkapa, Dubravka Drakić kao njena mama, Vesna Vujošević kao Ivanka, Željko Radunović kao lovac Luka, Branko Ilić kao Vuk, Marta Pićurić kao Bak.

 

HiPP

Procedure i Izazovi Samohranog…

Comments

Leave a Reply