PITANJE od Maje:

Imam sina koji je napunio 2 godine. Alergičan je na kravlje mlijeko i pije, doduše neredovno Aptamil ha. Kao manja beba je imao izražen ekcem u predjelu ispod vrata i na bradici. Ovih dana sam u panici jer već drugi put ove zime imamo terapiju sa inhaliranjem Berodualom, a sada i sirup Aerius. Naime, kašljao je dosta dugo i sigurno dva mjeseca kasalj ne prestaje. Danju se stabilizuje kad uvedemo inhaliranje Berodualom, a noću se i dalje budi. Berodual zaista pomaže, međutim, pitam se koliko moj sin može postati zavisan od njega. Kašalj u najgorim momentima je bio kao lavež psa ili se gušio od šlajma tj. izgledalo je kad kašlje da će da povrati ali nikad nije. Noći bez sna su brojne. Bojim se da nije u pitanju dječja astma. Dječakov djed  ima recimo polensku alergiju , dječakova tetka  ima alergiju na prašinu, a stric je imao brojne bronhoopstrukcije liječene kortikosteroidima.

ODGOVOR od dr Nine Mandić, PZU Doktorica Mica:

Pošto je alergija na kravlje mlijeko prolaznog karaktera, nijeste mi rekli da li se dijete podvrglo nekom ispitivanju da se utvrdi da li je prošla i može li bezbjedno piti kravlje mlijeko.
Spomenuli ste da se dijete inhalira Berodualom. Ni na koji način ne može doći do zavisnosti od ovog lijeka.
Na osnovu podataka koje dajete da u porodici ima bronhoopstrukcije,da dijete ima ekcem i alergiju na kravlje mlijeko, kod Vašeg djeteta se vjerovatno radi i o alergiji disajnih puteva, ali pravu dijagnozu će postaviti dječji pulmolog kojem se morate obratiti.